Kinilala ng Department of Environment and Natural Resources ang Lungsod ng Pasig sa GTI (Gawad Taga-Ilog) 5.0 Awarding Ceremony ngayong araw, June 24, 2025, bilang Champion in Habitat and Resource Management at 1st Runner Up sa Gawad Taga-Ilog 5.0: Search for the Most Improved Estero in Metro Manila.

Kasama rin ang pagkilalang iginawad sa dalawang barangay na nakakasakop sa bahagi ng Ilog Pasig na naparangalan — ang Barangay San Joaquin at Barangay Buting. Nasungkit ng bahagi ng ilog na ito ang 1st Runner Up Overall mula sa 12 kalahok sa buong Matro Manila.

Pinangunahan ng mga kinatawan mula sa City Environment and Natural Resources Office, ang focal office para sa nasabing inisyatibo, ang pagtanggap ng nasabing pagkilala, kasama ang kinatawan din mula sa City Parks at mga Punong Barangay mula sa San Joaquin at Buting.

Ang Gawad Taga-Ilog 5.0: Search for the Most Improved Estero in Metro Manila ay isang pangunahing inisyatibo na sumusuporta sa Manila Bay Clean-Up, Rehabilitation, and Preservation Program.

Matatandaang naparangalan din ang Lungsod ng Pasig sa GTI 4.0 noong 2024 at GTI 3.0 noong 2023.