Bilang patuloy na hakbang sa pagsusulong ng kaligtasan ng bawat Pasigueño, nagsagawa ang Pamahalaang Lungsod ng Pasig, sa pangunguna ng Disaster Risk Reduction and Management Office (Pasig City DRRMO) nito ng back-to-back activities bilang bahagi ng selebrasyon ng Fire Prevention Month noong buwan ng Marso. Layunin ng mga programa na palakasin ang kaalaman, kahandaan, at aktibong pakikilahok ng komunidad sa pag-iwas at pagtugon sa sunog.

𝗙𝗜𝗥𝗘 𝗣𝗥𝗘𝗣𝗔𝗥𝗘𝗗𝗡𝗘𝗦𝗦 𝗦𝗘𝗠𝗜𝗡𝗔𝗥

Noong March 26, 2026 (Huwebes), ginanap ang 𝗙𝗶𝗿𝗲 𝗣𝗿𝗲𝗽𝗮𝗿𝗲𝗱𝗻𝗲𝘀𝘀 𝗦𝗲𝗺𝗶𝗻𝗮𝗿, na dinaluhan ng mga kinatawan mula sa Philippine National Police – Pasig, Barangay Disaster Risk Reduction and Management (DRRM) Councils, fire brigade at volunteers, School DRRM Coordinators, at iba’t ibang tanggapan mula sa Pasig City Hall.

Katuwang ang Bureau of Fire Protection (BFP) – Pasig at Meralco, tinalakay ang mga sumusunod na paksa para sa kaligtasan ng bawat tahanan at komunidad sa lungsod:

Electrical Safety Seminar: ipinaliwanag kung paano makakaiwas sa aksidente at sunog sanhi ng faulty wirings, overloaded circuits, at maling paggamit ng appliances.

Household Hazardous Materials Seminar: nagbigay ng gabay sa tamang paghawak, pag-iimbak, at pagtatapon ng mga kemikal at gamit sa bahay na posibleng magdulot ng panganib.

Fire Safety Seminar: nagkaroon ng pagbabahagi ng kaalaman sa tamang hakbang sa pag-iwas sa sunog at ligtas na pagtugon sa oras ng emergency.

Sa pamamagitan ng mga ito, naibahagi sa mga kalahok ang kahalagahan ng prevention, preparedness, at quick response sa panahon ng sakuna gaya ng sunog.

𝗛𝗔𝗞𝗕𝗔𝗡𝗚 𝗦𝗔 𝗞𝗔𝗟𝗜𝗚𝗧𝗔𝗦𝗔𝗡, 𝗟𝗔𝗞𝗔𝗗 𝗞𝗢𝗡𝗧𝗥𝗔 𝗦𝗨𝗡𝗢𝗚

Samantala, isinagawa naman noong Sabado, March 28, 2026, ang kampanya ng 𝗛𝗮𝗸𝗯𝗮𝗻𝗴 𝘀𝗮 𝗞𝗮𝗹𝗶𝗴𝘁𝗮𝘀𝗮𝗻, 𝗟𝗮𝗯𝗮𝗻 𝗞𝗼𝗻𝘁𝗿𝗮 𝗦𝘂𝗻𝗼𝗴 sa Barangay Palatiw. Kasama ang DRRMO at BFP-Pasig, lumahok ang mga opisyal at mamamayan ng Barangay Palatiw sa isang “Walk for a Cause” na ginanap mula sa Palatiw Barangay Hall patungong Villa Evangelista. Layunin ng aktibidad na ito ay ipalaganap ang kahalagahan ng Fire Prevention Month, at kasabay nito, suportahan ang panawagan ng Office of the President para sa energy conservation. Sa ganitong paraan, naipapakita na puwede nating i-advocate ang kaligtasan sa sunog habang responsable sa paggamit ng enerhiya.