𝐏𝐚𝐦𝐚𝐡𝐚𝐥𝐚𝐚𝐧𝐠 𝐋𝐮𝐧𝐠𝐬𝐨𝐝 𝐧𝐠 𝐏𝐚𝐬𝐢𝐠, 𝐊𝐢𝐧𝐢𝐥𝐚𝐥𝐚 𝐧𝐠 𝐆𝐒𝐈𝐒 𝐤𝐚𝐮𝐠𝐧𝐚𝐲 𝐧𝐠 𝐌𝐚𝐭𝐚𝐩𝐚𝐭 𝐧𝐚 𝐏𝐚𝐧𝐠𝐚𝐧𝐠𝐚𝐥𝐚𝐠𝐚 𝐬𝐚 𝐦𝐠𝐚 𝐀𝐫𝐢-𝐚𝐫𝐢𝐚𝐧 𝐧𝐠 𝐁𝐚𝐲𝐚𝐧

Isang turnover ceremony ang ginanap bilang parte ng flag raising ceremony ngayong araw, February 2, 2026, kung saan iginawad ng mga delegado mula sa Government Service Insurance System (GSIS) ang Gold Seal of Protection Award sa Lungsod ng Pasig. Dahil ito na ang ikatlong sunod na taon na nakamit ng lungsod ang nasabing parangal, opisyal na ring itinalaga ang Pamahalaang Lungsod bilang Hall of Famer sa GSIS Seal of Protection.

Ang parangal na ito ay bunsod ng pagsusumikap ng lokal na pamahalaan sa isang transpormasyon tungo sa mas ligtas at mapagkakatiwalaang pamamahala. Tiniyak na protektado sa ilalim ng komprehensibong insurance program alinsunod sa itinakda ng batas ang bawat pag-aari ng Pamahalaang Lungsod, mula sa mga pampublikong gusali at motor vehicles, hanggang sa mga teknolohiya gaya ng laptops, marine hulls para sa mga motorboats, at mga sensitibong equipment sa mga ospital.

Personal na tinanggap ni Mayor Vico Sotto, kasama ang iba pang opisyal ng Pamahalaang Lungsod, ang mga panauhin mula sa GSIS sa pamumuno ni President and General Manager (GM) Jose Arnulfo “Wick” Veloso. Sa kanyang mensahe, pinasalamatan ni Mayor Vico ang GSIS sa patuloy na pagiging matibay na katuwang ng Pasig sa pagsisiguro ng mga ari-arian ng bayan.

Ipinaliwanag ni GM Veloso ang tunay na kahalagahan ng hakbang na ito sa pagsasabing, “𝙄𝙩 𝙢𝙚𝙖𝙣𝙨 𝙩𝙝𝙖𝙩 𝙬𝙝𝙚𝙣 𝙩𝙝𝙚𝙧𝙚 𝙞𝙨 𝙖𝙣 𝙚𝙢𝙚𝙧𝙜𝙚𝙣𝙘𝙮, 𝙖𝙡𝙡 𝙤𝙛 𝙮𝙤𝙪𝙧 𝙫𝙚𝙝𝙞𝙘𝙡𝙚𝙨 𝙘𝙤𝙣𝙩𝙞𝙣𝙪𝙚 𝙩𝙤 𝙧𝙤𝙡𝙡 𝙤𝙪𝙩, 𝙨𝙘𝙝𝙤𝙤𝙡𝙨 𝙧𝙚𝙤𝙥𝙚𝙣 𝙙𝙪𝙧𝙞𝙣𝙜 𝙘𝙖𝙡𝙖𝙢𝙞𝙩𝙞𝙚𝙨, 𝙝𝙚𝙖𝙡𝙩𝙝 𝙘𝙚𝙣𝙩𝙚𝙧𝙨 𝙨𝙩𝙖𝙮 𝙤𝙥𝙚𝙧𝙖𝙩𝙞𝙤𝙣𝙖𝙡, 𝙖𝙣𝙙 𝙜𝙤𝙫𝙚𝙧𝙣𝙢𝙚𝙣𝙩 𝙨𝙚𝙧𝙫𝙞𝙘𝙚 𝙘𝙤𝙣𝙩𝙞𝙣𝙪𝙚𝙨—𝙠𝙖𝙝𝙞𝙩 𝙢𝙖𝙮 𝙗𝙖𝙜𝙮𝙤, 𝙠𝙖𝙝𝙞𝙩 𝙢𝙖𝙮 𝙡𝙞𝙣𝙙𝙤𝙡. 𝙄𝙣 𝙨𝙝𝙤𝙧𝙩, 𝙞𝙣𝙨𝙪𝙧𝙖𝙣𝙘𝙚 𝙥𝙧𝙤𝙩𝙚𝙘𝙩𝙨 𝙥𝙚𝙤𝙥𝙡𝙚, 𝙖𝙣𝙙 𝙩𝙝𝙖𝙩 𝙞𝙨 𝙬𝙝𝙮 𝙋𝙖𝙨𝙞𝙜 𝙞𝙨 𝙗𝙚𝙘𝙤𝙢𝙞𝙣𝙜 [𝙖] 𝙨𝙖𝙛𝙚𝙧, [𝙖𝙣𝙙] 𝙖 𝙢𝙤𝙧𝙚 𝙧𝙚𝙨𝙞𝙡𝙞𝙚𝙣𝙩 𝙘𝙞𝙩𝙮.”

Ang pagiging Hall of Famer sa GSIS Seal of Protection Award ay patunay ng maayos, transparent, at responsableng pangangalaga sa public resources. Mula sa pinakamaliit na kagamitan hanggang sa pinakamalaking pasilidad, ang Lungsod ng Pasig ay nananatiling handa, matatag, at laging accountable sa bawat pag-aari ng bayan.

Opisyal na itu-turn over ang Hall of Fame Marker sa Pamahalaang Lungsod ng Pasig kapag nakalipat na ito mula sa Temporary Pasig City Hall papunta sa bagong City Hall sa Caruncho Ave. matapos ang  magiging konstruksyon nito. 

—

Matatandaan ang detalye ng parangal sa nakaraang post na ito: https://www.facebook.com/share/p/1CntMADGLr/