𝐌𝐨𝐭𝐨𝐫𝐜𝐚𝐝𝐞 𝐩𝐚𝐫𝐚 𝐬𝐚 𝐢𝐤𝐚-𝟒𝟕 𝐍𝐚𝐭𝐢𝐨𝐧𝐚𝐥 𝐃𝐢𝐬𝐚𝐛𝐢𝐥𝐢𝐭𝐲 𝐑𝐢𝐠𝐡𝐭𝐬 𝐖𝐞𝐞𝐤, 𝐌𝐚𝐭𝐚𝐠𝐮𝐦𝐩𝐚𝐲 𝐧𝐚 𝐈𝐝𝐢𝐧𝐚𝐨𝐬 𝐬𝐚 𝐏𝐚𝐬𝐢𝐠

Matagumpay na naisagawa ang motorcade na nilahukan ng iba’t ibang organisasyon ng mga taong may kapansanan bilang bahagi ng selebrasyon ng ika-47 National Disability Rights Week sa Lungsod ng Pasig kahapon, July 17, 2025.

Umabot sa 56 na organisasyon ang aktibong lumahok sa nasabing motorcade. 

Nagsimula ang motorcade sa Pasig Elementary School at nagtapos sa Maybunga Rainforest Park, kung saan idinaos din ang isang maikling programa. Dito, nagbigay ng mga  mensahe ng pagsuporta sa sektor ng persons with disability sina Congressman Roman Romulo, Vice Mayor Dodot Jaworski, at ilang miyembro ng 12th Sangguniang Panlungsod na sina Councilor Simon Tantoco, Councilor Paul Senogat, Councilor Ryan Enriquez, at Councilor Warren Inocencio.

Layunin ng taunang pagdiriwang na ito na ginaganap tuwing ikatlong linggo ng Hulyo na itaas ang kamalayan ng publiko sa mga hamon, pangangailangan, at karapatan ng mga taong may kapansanan sa ating lipunan. Ang tema para sa pagdiriwang ngayong taon ay “Innovation for Inclusion: Building Inclusive Communities Together.”

Naging posible ang aktibidad na ito sa pangunguna ng Pasig City Persons with Disability Affairs Office.