𝐋𝐮𝐧𝐠𝐬𝐨𝐝 𝐧𝐠 𝐏𝐚𝐬𝐢𝐠, 𝐧𝐚𝐤𝐢𝐢𝐬𝐚 𝐬𝐚 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐂𝐨𝐚𝐬𝐭𝐚𝐥 𝐂𝐥𝐞𝐚𝐧𝐮𝐩 𝟐𝟎𝟐𝟓 

Nagsama-sama ang iba't ibang stakeholders sa Lungsod ng Pasig para makiisa sa International Coastal Cleanup (ICC) Day 2025 na may temang "Clean Seas Against the Climate Crisis - Tayo ang Solusyon" noong Sabado, September 20, 2025 na idinaos sa Buli Creek, Brgy. San Miguel na nasa tapat ng Pasig City Mega Dialysis Center.

Umabot sa 990 sako na may timbang na 29.75 tonelada ang nakulektang solid waste mula sa isinagawang clean up activity, tulad ng mga carpet, plastic chair, mannequin, gulong ng sasakyan, bulky waste, at iba’t ibang gamit sa bahay.

Ang tema ng ICC ay mahalagang paalala na ang bawat isa ay may gampanin sa pagpapanatili ng kalinisan ng mga anyong tubig ng ating komunidad; na nangangailangan ng agarang aksyon tungo sa kalinisan ang mga estero, creek, at kailugan dahil ito ang buhay ng ating major waterways; at na ang masiglang daluyan ng tubig ay tirahan ng iba’t ibang biodiversity gaya ng isda. 

Kaya’t tinatawagan ang lahat, 𝐢𝐰𝐚𝐬𝐚𝐧 𝐧𝐚𝐭𝐢𝐧𝐠 𝐦𝐚𝐠𝐭𝐚𝐩𝐨𝐧 𝐧𝐠 𝐛𝐚𝐬𝐮𝐫𝐚 𝐬𝐚 𝐚𝐭𝐢𝐧𝐠 𝐦𝐠𝐚 𝐢𝐥𝐨𝐠 𝐚𝐭 𝐬𝐚𝐩𝐚 𝐚𝐭 𝐩𝐚𝐭𝐮𝐥𝐨𝐲 𝐧𝐚𝐭𝐢𝐧 𝐢𝐭𝐨𝐧𝐠 𝐩𝐚𝐧𝐠𝐚𝐥𝐚𝐠𝐚𝐚𝐧 — dahil ang malusog at buhay na waterways ay patunay ng masigla at progresibong pamumuhay ng ating komunidad. 

Lubos na nagpapasalamat ang Pamahalaang Lungsod sa mga nakatulong nito sa pagdaraos ng ICC Day sa pangunguna ng City Environment and Natural Resources Office (CENRO) – Pasig City Task Force Manila Bay at Bantay Sapa Team, kasama ang iba’t ibang opisina ng Pamahalaang Lungsod tulad ng Office of the Mayor, Office of City Councilor Kiko Rustia, Solid Waste Management Office, Disaster Risk Reduction and Management Office, Traffic and Parking Management Office, City Health Department–Task Force Dengue, at mga katuwang na organisasyon gaya ng Manila Water Co. Inc., Barangay San Miguel, Barangay Sto. Tomas, Boy Scouts of the Philippines – San Miguel Elementary School, LUZVIMINDA Citizens Arms, Inc., at business establishment partners na North-South Marigold Manufacturing Corporation. 

Para sa iba pang detalye kaugnay ng ICC Day 2025, i-check ang post ng Pasig City Task Force Manila Bay mula sa link na ito: https://bit.ly/ICCDay2025_PCTFMB