Opisyal nang binuksan ang business renewal season sa Lungsod ng Pasig noong Sabado, January 3, 2026. 

Para sa business renewal season ngayong 2026, magsisilbing pansamantalang main business application hub o Mega Business One-Stop Shop (BOSS) ang Silver City 4, Ortigas East, Barangay Ugong.

Kalakip ng post ang ilang photos na kuha ngayong araw, January 5, 2026, bandang 01:00PM - 02:00PM. 

Hinihikayat po ang mga mag-aasikaso para sa business applications ngayong business renewal season: kung may kakayahan na, ay i-file na ang mga ito habang maaga at huwag nang hintayin ang deadline. Ito ay para maiwasan ang mas mahabang pila at paghihintay para sa pagproseso.

I-check ang mensahe ni Mayor Vico Sotto kaugnay ng business renewal season kaninang umaga bilang parte ng Flag Raising Ceremony mula sa post na ito: https://bit.ly/MVS_FlagHighlights_01052026

[Timecode sa video: 03:34 - 07:20]

Para sa mga detalye tungkol sa 2026 business application (requirements, location ng pag-transact, operating schedule, mahahalagang paalala), i-check ang naunang post mula sa link na ito: https://bit.ly/PC_BusinessApplication_2026

___

𝐎𝐍𝐋𝐈𝐍𝐄 𝐍𝐄𝐖 𝐁𝐔𝐒𝐈𝐍𝐄𝐒𝐒 𝐑𝐄𝐆𝐈𝐒𝐓𝐑𝐀𝐓𝐈𝐎𝐍/𝐑𝐄𝐍𝐄𝐖𝐀𝐋 𝐏𝐑𝐎𝐂𝐄𝐒𝐒

Para sa new business registrations o pagpaparehistro ng bagong negosyo, ONLINE lamang po ang registration process. 

Para naman sa existing nang businesses na updated ang accounts o walang delinquencies, hindi na kailangang pumunta sa Mega BOSS dahil pwedeng pwede na ring iproseso ang business renewal, ONLINE!

Bisitahin ang site na ito para sa online business registration o renewal process: https://onlinepayments.pasigcity.gov.ph/

Maaari ring gamitin bilang reference dito ang huling photo (photo# 12) sa post na ito. 

Kaya naman mga Pasigueño, lalo na ang mga may-ari ng negosyo, tara na, magparehistro na! Dahil 𝗯𝗮𝘀𝘁𝗮 𝗿𝗲𝗵𝗶𝘀𝘁𝗿𝗮𝗱𝗼, 𝗻𝗲𝗴𝗼𝘀𝘆𝗼 𝗮𝘆 𝗽𝗿𝗼𝘁𝗲𝗸𝘁𝗮𝗱𝗼!