𝐍𝐀𝐆𝐒𝐀𝐁𝐀𝐃𝐎 𝐒𝐀 𝐏𝐀𝐒𝐈𝐆

Noong Agosto 29, 1896 (Sabado), pinamunuan ni Valentin Cruz ang halos dalawang libong Katipunero mula sa mga baryo ng Pasig—Kapasigan, Palatiw, Maybunga, Rosario, Caniogan, Bagong Ilog, Pineda, at Ugong.

Nagtipon sila malapit sa tulay patungo sa cuartel at simbahan (ngayo’y bahagi ng A. Mabini malapit sa Dimasalang), at matagumpay na sinakop ang tribunal at cuartel ng Guardia Civil. Nasamsam ang mga armas na kalaunan ay dinala upang makipagsanib-puwersa sa Supremo, Andres Bonifacio, sa Pinaglabanan.

Isang Katipunero mula sa Bagong Ilog ang unang martir na inialay ng Pasig para sa Kalayaan.

"Tunay na magigiting ang Batampasig—unang nakibaka, unang nagtagumpay, at buong tapang na nag-ambag sa himagsikan para sa Kalayaan ng Pilipinas."