𝐁𝐀𝐓𝐂𝐇 𝟏 𝐈𝐍𝐓𝐄𝐑𝐍𝐒 𝐏𝐀𝐑𝐀 𝐒𝐀 𝐆𝐈𝐏-𝐎𝐒𝐘, 𝐍𝐀𝐈-𝐃𝐄𝐏𝐋𝐎𝐘 𝐍𝐀 𝐒𝐀 𝐌𝐆𝐀 𝐓𝐀𝐍𝐆𝐆𝐀𝐏𝐀𝐍 𝐍𝐆 𝐏𝐀𝐌𝐀𝐇𝐀𝐋𝐀𝐀𝐍𝐆 𝐋𝐔𝐍𝐆𝐒𝐎𝐃 𝐍𝐆 𝐏𝐀𝐒𝐈𝐆!

Opisyal nang nai-deploy ang 300 interns sa iba’t ibang tanggapan ng Pamahalaang Lungsod ng Pasig para sa Batch 1 ng Government Internship Program – Out-of-School Youth (GIP-OSY) noong Lunes, January 26, 2026. 

Bago sila opisyal na natanggap, ang mga intern ay dumaan sa isang mabusising proseso ng aplikasyon sa pangunguna ng Pasig City Public Employment Service Office  (PESO). Kasama rito ang pagsusuri ng kanilang isinumiteng requirements sa online application at ang interview upang matiyak na sila ay kwalipikado para sa nasabing programa. 

Kasama sa proseso ng pagtanggap ang orientation na isinagawa ng PESO, kung saan ipinaliwanag ang saklaw ng mga gawain at ang mga dapat at hindi dapat gawin bilang interns ng lokal na pamahalaan.

–

Ang mga intern na natanggap para sa Batch 1 ng GIP-OSY ay kinakailangang mag-report kung saang opisina o departamento sila itinalaga ng PESO simula January 26, 2026 hanggang July 25, 2026.